ززحف بنات المتوسطه

السلام عليكم ورحمة الله وبركاته

اليوم حبيت اجيب لكم نبذة عن هبال المتوسط والي اشوفه خمس ايام في الاسبوع..

طبعا الاعمار من13_15

ويمكن تزيد سنه..

1\الروحه للمدرسه على اخر كشخه كأنهم بيروحو سهره

2\المريول فستان مو مريول مدرسه

3\يعرفون كل شي عن السيارات ومديلاتها واسعرها وايش اخر سياة نزلت و...الخ

4\العصبيه القبليه شغاله عندنا اكثر من الاولاد بمليون مره
كل يوم هواش عشان سبيعيه قالت.......
ومطيريه قالت.......

5\تعالوا شوفوهم ايام المباريات لا اله الا الله
والله كأنا بملعب مو مدرسه وخاصة الهلال اكثر البنات الهلال والهلال
طبعا يتحول لون المدرسه ازرق لان الغالبيه هلاليات..
وتعال شوف الجدران كاتبين ببخاخات سب وذم ومدح اسماء الاعبين ...والخ

6\تبي تشوفهم في الحصص تعال اوريك....

طبعا ربع او نص الفصل برى عشان اخلي الكذب مو دايم بعض الايام

والاخوات الموجودات
-وحده بتموت كسل
-والثانيه تغني
-والفالحه تكتب شعر في اخر ورقه من الدفتر

وتحلم تحلم تشوف كتاب ولا دفتر نظظظييييف..
معجزه اذا لقيت..

كل ما حسوا المشاعر الجياشه بتزورهم طلعوا لك الدفتر وفضفضوا فيه

7\طبعا كل شله متفقين يطلعون بوحده من الحصص ويسو حالة اضطراب بالمدرسه..

تخيلو مره قالت المدرسه الي ماتبي الدرس تطلع طلعو كلهم..

ومره قالت اسكتو ولا بأطلع وما اشرح الدرس عبالها تهديد ما تعرف هبال البنات

نطت وحده وقالت ابله اصلا وجودك زي عدمه الصراحه ذي اسميها قلة ادبببببب مو هبال..

والتخريف والهبال

خاصه بحصة الفقه جانا سؤال

عللي\لا يغسل المحرم بالحج؟؟

قالت وحده من البنات لانه يبعث برداء وازارينيا عيني ع اللغه العربيه بسسسس

وفي حصص العربي تجينا جنية الكتابه نبي نكتب وبسس
تقول لنا هبلة العربي(يا كتاب العصر افهموا الدرس)

هههههههه تعجبني ذيك المدرسه فلللله.

بس عليهم فزعات تعجبني

مره نسيت كتابي القواعد طبعا يا ويلي يل سواد ليلي
ونهاري..
جت وحده بكل بساطه عطتني كتابها وانضربت بدالي..
يا حبي لهامصلحجيه الاخت ههههههه

نسيت اقولكم انهم يتهاوشون عشان اللاعبين هذا اوسم من هذا وهذا فنان اكثر من هذا

ملحوظه\قلت هذا لاني ما اعرف حتى اسمائهم!!!!!

وفيهم لقافه وجرئه يا سبحان الله ترفع الضغط..
طبعا مو كلنا كذا بس ذي الحالات الشاذه بس نتفق في الكشه والمريول

وقت الفسحه زلزال
طراخ طريخ طروخ

والمقوله المشهوره دايم المدرسات يقولها

(جننتونا شيبتو روسنا وجبتو لنا الضغط والسكر واصواتنا
صايرة اصوات رجال وش رجال الا وحوش)

مساكين يا عيني عليهم شيبناهم


والاا اسامي قروباتهم تعالو شوفوهم
1\مطفشين الاداره 2\هلاليات من قدنا 3\كدوشاتاسم قروبي 4\عاشقات ياسر............ألخ والله كثيره لاتعد ولاتحسب..
ههههههههههههههههه
ولا في الطابور
ليه حاطة مكاياج؟
::ابلة امس عرس خالي ولا مداني امسحه
واللي تاكل اكل في الكتاب
واللي مايكل جاكسون
واللي اشهد ان لااله الا الله
واستغفر الله
انواع واشكال
تطرقت وتعددت
لانستطيع حصرها
شكرا لحسن القراءة نراكم في يوم اخر


تحياتي
روح القلم

هههه صج كلآآآمج يآآنضره البنآآت صآآيرين اولآآد

ههههههههههههههههههههه

اي صج هذاا احناا..زمشكوووره رووح القللم